Badimcan salati
Fərqli dadı olan bu salatı hamıya hazırlamağı məsləhət görərdim. Əminəm ki, çox bəyəniləcək.
Lazım olan ərzaqlar:
- 4-5 ədəd orta boy badımcan
- 3 ədəd pomidor
- 1-2 ədəd bibər
- 250 qr toyuq döş əti
- keşniş
- şüyüd
- bitki yağı
- mayonez
- duz
- istiot
Badımcanları nazik, uzun-uzun doğrayın. Bitki yağında hər iki üzünü qızardın.
Toyuğun döş ətini suda qaynadıb didin. İçlik üçün pomidor, bibər və göyərtiləri doğrayıb duz vurub qarışdırın.
Qaba qızartdığınız badımcanları düzüb duz səpin, mayonez sürtüb üzərinə içlik tökün və yenə badımcan düzün.
Eyni qayda ilə 2 və ya 3 qat hazırlayın. Ən üstə yenə qızardılmış badımcan düzün.
Çox dadlı salatdır. Nuş olsun!
Sizin saytınız bize tanış olan dadlardan ibaretdir. Sağolun ki bölüşürsünüz bizimle.
Siz sağ olun ki, izləyirsiniz 🙂