Kuku resepti kicik qablarda
Hamının tanıdığı kükünü bu formada süfrəyə təqdim etsəniz əminəm ki, çox maraqlı və fərqli olacaq. Kiçik maffin qablarında sobada hazırlanan göyərti küküsü həm isti yemək, həm isti qəlyanaltı və ya qarnir kimi ət yeməklərinin yanında süfrəyə vermək olar.
Lazım olan ərzaqlar:
- 50 qr kərə yağı
- 1 ovuc qoz ləpəsi
- İspanaq, keşniş, şüyüd, göy soğan – hər birindən 1 dəstə
- 4 yumurta
- duz və istiot
Göyərtiləri təmizləyib yuyun və suyunu qurudun. Sonra xırda doğrayın.
Yumurtaları duz və istiot ilə qarışdırın.
Doğranmış göyərtiləri, yumurta, əridilmiş kərə yağı və xırdalanmış qozu bir qabda yaxşı qarışdırın.
Keks qablarını yağlayıb hazırladığınız qarışımı qablara doldurun və 190 dərəcəli sobada 20 dəqiqə bişirin.
Süfrəyə qatıq ilə verin.
Nuş olsun!
Kuku resepti kicik qablarda
Loading...
