//“Buchteln” Bulki

“Buchteln” Bulki

Bulki resepti Buchteln

Bulki resepti Buchteln

Bulki resepti Buchteln

Avstriya mətbəxinə aid olan bu bulki üzərinə qaymaq tökülərək bişirilir. Xəmiri çox yumşaq və havalı olur. Qabın dibində qaymaqdan əmələ gəlmiş sousun ləzzətinə isə söz ola bilməz. Bir sözlə, bişirməyiniz və özünüz qiymətləndirməyiniz məsləhətdir.

Lazım olan ərzaqlar:

  • Yarım stəkan süd
  • 50 qr. kərə yağı
  • 2 yumurta sarısı, 1 bütöv yumurta
  • 50 qr şəkər tozu (4-5 xörək qaşığı)
  • 1 çay qaşığı  maya
  • Bir çimdik duz
  • Vanil şəkəri 1 paket və ya vanilin qaşığın ucunda
  • 350 qr un (3 stəkan)

Üzəri üçün:

  • 200 ml qaymaq
  • 2 xörək qaşığı şəkər tozu

Xəmir yoğurmaq üçün ilıq südə bir az un, şəkər tozu və maya töküb köpməyini gözləyirik. Maya köpəndə una mayanı və digər ərzaqları qatıb yumşaq xəmir yoğururuq. Xəmirin üstünü sellofan və dəsmal ilə örtüb isti yerdə 1,5 saat gəlməyə qoyurug.

Xəmiri kündələrə ayırıb, qabı yağlayıb bir-birindən bir qədər aralı içinə yığırıq. Yaxşı olar ki, qabınız dərin olsun, çünki sonra bulkilərin qzərinə qaymaq tökəcəyik.

Qabı isti yerdə 30-40 dəqiqə saxlayırıq. Mən əvvəlcədən sobanı bir az qızdırıb söndürdüm və qabın üzərini dəsmal ilə örtərək sobaya qoydum. Belə olduqda xəmir daha tez və çox şişir.
Başqa bir qabda qaymağı bir az isidib üzərinə şəkər tozunu töküb yaxşı qarışdırırıq. Bu sousun yarısından bir az çoxunu bulkilərin üzərinə tökürük. Məndə yanı açılan qab olduğu üçün qaymağın axıb töküləcəyindən ehtiyat edərək qabın altına və kənarlarına folqa kağızı sarıdım.

180 dərəcəli sobada 30 dəqiqə bişdikdən sonra bulkiləri çıxarıb qalan qaymaqlı sousu da üzərinə töküb yenə 15-20 dəqiqə bişirib sobadan götürürk.

Bu bulkinin üzəri qızarmış xırçıltılı, altı isə qaymaq və şəkərli sousdan islanmış xüsusi ləzzətli olur.

İsti-isti və ya soyuq halda yeyə bilərsiniz. Hər iki halda çox ləzzətli və yumşaqdır.
Nuş olsun!

1 Star2 Stars3 Stars4 Stars5 Stars (No Ratings Yet)
Loading...
By | 2017-03-23T12:08:32+00:00 May 5th, 2015|Xəmir İşləri|0 Comments

Leave A Comment