Badimcan Levengisi
Ləvəngi Azərbaycan mətbəxinin ən gözəl və fərqli təamlarından sayılır. Qoz ilə soğan və alça turşusu üçlüyü dünyanın heç bir yerində olmayan xüsusi ləzzət yaradır. Lənkəran mətbəxində ləvəngi bir çox fərqli yeməklərdə istifadə olunur. Badımcan ləvəngisi də bu yeməklərdən biridr.
Lazım olan ərzaqlar:
- 1 kq badımcan
- 250 qr qoz ləpəsi
- 2 ədəd baş soğan
- 1 xörək qaşığı alça turşusu
- Qızartmaq üçün bitki yağı
- duz
- istiot
Badımcanların başını kəsib qarnını şəkildəki kimi yarın və içini duzlayıb 1 saat acısını buraxmaq üçün saxlayın.
Sonra bir qazanda su qaynadıb badımcanları bir az pörtlədin. Ele edin ki, badımcanlar çox yumşalıb əzilməsin.
Qaynatdığınız badımcanları süzmək üçün aşsüzənə yığın.
Tam suyunu buraxsın deyə üzərinə ağır bir şey qoyub 1-2 saat gözləyin. Mən qazana su doldurub qoydum, ağır daş və ya başqa əşya da ola bilər.
Ləvəngi üçün soğanları soyub ətçəkən maşından keçirib tənziflə acı suyunu sıxın. Qozları da ətçəkən maşında çəkib, alça turşusu, duz, istiot vurub hamısını birlikdə qarışdırın.
Badımcanların içini ləvəngi ilə doldurub bitki yağında hər tərəfini qızardın.
Reseptiniz doğrudur sizde bizim kimi alça turşusu vurmusunuz. (palçıq turşusu deyirler) Neye göre bunu yazdım çünki bezi yerlerde düz resept yazmırlar. İlk defe sınayacaq olanlara sehf melumat verirler.
Sonra da sehf bisiren deyir dadı yaxşı deyildi ve s. Ellerinize sağlıq Müjgan xanım yeni reseptlerinizi gözleyirik 😊
Yəqin Cənub bölgəsindənsiniz. Mənə bu resepti lənkəranlı bir dostum verib 🙂
Çox sağ olun 🙂